2015 оны 12-р сар

Хүлэмжийн хийн ялгарлыг Хэмжих, тайлагнах, нотлох (ХТН)  гэдэг нь ХХЯ-ын  өгөгдлийг цуглуулах, тооцож тодорхойлох, үр дүнг хөндлөнгийн үнэлгээний байгууллагаар шалгуулж нотлуулсан байдлаар тайлагнах үйл ажиллагааны ерөнхий нэр юм. Хүлэмжийн хийн ялгарлын бууралтын гурван төрлийн ХТН ажиллагаа байдаг. Үүнд :

 Хүлэмжийн хийн ялгарлыг ХТН: Үндэсний, салбарын эсвэл байгууллагын түвшинд ХХЯ-ыг тоолох зорилгоор хэрэглэнэ.

1. Бууруулах арга хэмжээг ХТН: Бодлогын хөтөлбөр, төслийн хүлэмжийн хийн бууралт ба тогтвортой хөгжилд оруулах хувь нэмэрт үнэлгээ хийх зорилготой. Энэ төрлийн ХТН ажил нь ХХЯ-ын ба тогтвортой хөгжлийн өөрчлөлтийг тооцоолоход чиглэдэг.
2. Тусламж, дэмжлэгийг ХТН ажиллагаа: УАӨ-ийг бууруулах, дасан зохицох чадавх бэхжүүлэх, технологи дамжуулах чиглэлийн хөрөнгө оруулалтын үр дүн, нөлөөллийг үнэлэхэд чиглэдэг.

 ХХЯ-ыг бууруулах арга хэмжээний ХТН ажил нь дараах ажиллагаануудаас бүрдэнэ:

Хэмжих буюу мониторинг хийх - ХХЯ-ыг бууруулах төсөл, арга хэмжээний ХХЯ-ын өгөгдлийг хэмжих, мэдээлэл цуглуулах, түүнд хяналт шинжилгээ хийх ажлыг хэлнэ.

Тайлагнах- Хэмжсэн, цуглуулсан мэдээлэл, тооцоог тодорхой стандарт хэлбэрт оруулан эмхэтгэж хэрэглэгч хамтрагч, захиалагч нарт хүртээмжтэй, нийтэд нээлттэй болгох ажиллагааг хэлнэ.

Нотлох- Тайлагнасан мэдээллийг шалгах, хөндлөнгийн үнэлгээ хийж түүнийг бүрэн гүйцэд, баталгаатай болгох ажиллагааг хэлнэ.