2016 оны 8-р сарын 24-25-ны өдрүүдэд Азийн хөгжлийн банк (АХБ), Байгаль орчин, аялал жуулчлалын яамнаас хамтран зохион байгуулсан  Хамтарсан кредитын механизм (ХКМ)-ын сургалт семинар Улаанбаатар хотноо болж өнгөрлөө.  Энэхүү сургалт семинараар Япон улсаас Ази Номхон далайн бүс нутгийн орнуудтай байгуулсан нүүрстөрөгч багатай хөгжлийн түншлэл буюу ХКМ-ын   үйл ажиллагааг өргөжүүлж эрчимжүүлэх зорилгоор уг хөтөлбөрт оролцох боломжтой  компаниудад энэ хөтөлбөрийн хүрээнд төсөл хөтөлбөр хэрэгжүүлэх үе шат, арга зүйг таниулах илтгэлүүдийг тавьж  хэлэлцүүлэг зохион байгуулсан юм. 

Илтгэгч нар:

Азийн хөгжлийн банкны Teruhisa Oi, Virender K.Duggal, Ayato Kurakawa нар АХБ-ны Уур амьсналын өөрчлөлтийг бууруулах үйл ажиллагааны талаар,

Kate Hughes, Shiro Yashida, Ц. Гэрэлт-Од нар ХКМ-ын Монголд дахь хэрэгжилтийн байдлын талаар,

Ayato Kurakawa, Shigeo Aoki, М.Нацагбадам нар ХКМ-ын  төслийг хэрэгжүүлэх үйл явц, үе шатны ажлуудын талаар,

Teruhisa Oi, Н.Энэбиш, Д,Ганцэцэг, Shiro Yashida, Arnaud Heckman нар ХКМ-ын хүрээнд хэрэгжиж байгаа төслүүдийн талаар тус илтгэл тавьсан байна.